Կոտայքում 22-ամյա Վանեսյանը ապօրինաբար տիրացել է ուրիշի մեքենային և խոշոր չափերի վնաս պատճառել

Ոստիկանության քրեական հետախուզության գլխավոր վարչության ծառայողների բացատրական աշխատանքների շնորհիվ մարտի 24-ին` ժամը 10.15-ին, ՔՀԳՎ է ներկայացել 22-ամյա Գ. Վանեսյանը:

Ոստիկանության մամուլի ծառայությունից 1or.am-ին հայտնում են, որ նա մարտի 2-ից Կոտայքի բաժնի կողմից հետախուզվում էր ՀՀ քր. օր.-ի 183 հոդվածի 2-րդ մասի 1-ին կետի մեղադրանքով (Ավտոմեքենային կամ տրանսպորտային այլ միջոցին ապօրինաբար տիրանալն առանց հափշտակելու նպատակի, որը խոշոր չափերի վնաս է պատճառել):

Խափանման միջոց է ընտրվել կալանքը:

Գ. Վանեսյանը հանձնվել է ոստիկանության Կոտայքի բաժնի ծառայողներին: