2024-ին Հայաստանը ԵՄ-ից ակնկալում է գրեթե 18 միլիոն եվրոյի դրամաշնորհ ստանալ. Ֆինանսների նախարարության ղեկավար

2024 թվականին Հայաստանն ակնկալում է Եվրամիությունից շուրջ 17,9 միլիոն եվրոյի դրամաշնորհ ստանալ։ Այս մասին Ազգային ժողովում նոյեմբերի 3-ին 2024 թվականի պետական ​​բյուջեի նախագծի քննարկման ժամանակ մշտական ​​խորհրդարանական հանձնաժողովների համատեղ նիստում հայտարարեց Հանրապետության ֆինանսների նախարար Վահե Հովհաննիսյանը։ 

Այդ աջակցությունը, նրա խոսքով, կտրամադրվի երեք հիմնական ուղղություններով.

«Խոսքը դատաիրավական ոլորտում բարեփոխումներին աջակցելու մասին է։ Այս ծրագիրն իրականացվել է նաև 2023թ.-ին։ Այն ժամաակ դրա համար հատկացվել էր 2,7 մլն եվրո»,- ասաց Հովհաննիսյանը։

Հաջորդ տարի նախատեսվում է 5,4 մլն եվրո ծախսել։ Երկրորդ ուղղությունն, ըստ էության, դատաիրավական համակարգի բարեփոխումների երկրորդ փուլն է, որը 2,5 մլն եվրո կարժենա։

Երրորդ ուղղությունը վերաբերում է կրթության ոլորտին։ Այսպես, 2024 թվականին նշված դրամաշնորհից կրթական կարիքների համար կհատկացվի մոտ 10 մլն եվրո։

Ծրագրի ընդհանուր արժեքը 32 մլն եվրո կկազմի: