Երևան-Դիլիջան մայրուղին լուսավորություն կունենա. նախարար
ՎԻԴԵՈԱԺ-ում 2024 թվականի պետական բյուջեի քննարկման ժամանակ ՏԿԵ նախարար Գնել Սանոսյանը նշեց, որ նախատեսում են Երևան-Դիլիջան մայրուղին լուսավորել։
«Մենք հիմա փորձում ենք առաջին այդպիսի խոշոր ծրագիրն իրականացնել, այդ առումով սկսել ենք որոշակի աշխատանքներ, մասնավորապես, նախագծման աշխատանքների պատվիրման ուղղությամբ»,-ասաց նա։
ԱԺ փոխնախագահ Հակոբ Արշակյանն էլ արձագանքեց, թե ճանապարհային նշանների կահավորման նոր մշակույթի կարիք ունեն, որոնք էժան չեն, սակայն այնքան թանկ չեն, որքան ճանապարհների լուսավորման ցանցն է։
«Երևան-Դիլիջան լուսավորման ցանց անցկացնելը ահռելի միջոցներ է պահանջում, ես չգիտեմ՝ սա հիմնավորվա՞ծ է, պահանջվա՞ծ է, այն դեպքում, երբ կարելի է ճանապարհային երթևեկության կահավորման միջոցով նույն խնդիրը լուծել»։
Մանրամասները՝ տեսանյութում
