Արցախի պետական ապարատի աշխատակիցների մի մասն արդեն ստացել են սեպտեմբերի աշխատավարձը՝ պահումներով. Հակոբյան

Արցախի պետական ապարատի աշխատակիցների մի մասն արդեն ստացել են սեպտեմբերի աշխատավարձը՝ 80 տոկոսով։ Այս մասին NEWS.am-ի հետ զրույցում հայտնեց ԱՀ ԱԺ «Արդարություն» խմբակցության պատգամավոր Մետաքսե Հակոբյանը՝ նշելով, որ հստակ չի կարող ասել, որ բոլոր պետական աշխատողներն են ստացել:

«Կառավարության անդամները, պատգամավորները, ուսուցիչները ստացել են աշխատավարձ, մնացածի մասին չեմ կարող ասել, ստացել են, թե՝ ոչ: Բայց պատագամավորների և ուսուցիչների մասով կարող եմ վստահեցնել։ Ինչքանով ես եմ տեղյակ՝ հոկտեմբերի 27-ի դրությամբ դեռ բժիշկներն աշխատավարձ չէին ստացել»,- ասաց նա։

Հակոբյանը նշեց, որ սա վերջին աշխատավարձն է լինելու, այնուհետեւ աշխատավարձ չի վճարվի:

Նա անեւ հայտնեց, որ պետական հաստատությունների ղեկավարները շարունակելու են մնալ իրենց պաշտոններում, սակայն հասարակական հիմունքներով, չեն վճարվելու:

 «Դեռ չեմ պատակերացնում, թե ինչպես է գործնականում իրենց աշխատանքը կազմակերպվելու, ամեն դեպքում  պետական հաստատությունների  ղեկավարնեևը մնալլու են իրենց պաշտոններում»,- ասաց նա:

Հիշեցնենք, որ Արցախի պետաշխատողների աշխատավարձի հարցը մեծ աղմուկ էր բարձրացրել: Թեև Սամվել Շահրամանյանի հրամանագրով Արցախի պետական գերատեսչությունները մինչև 2024-ի հունվարի 1-ը գործում են, այսինքն՝ փաստացի մինչև տարեվերջ պետաշխատողները պետք է վճարվեն, սակայն, ինչպես հետո պարզվեց, նրանք անգամ սեպտեմբերի աշխատավարձերը չէին ստացել: