Հայաստանը Ֆրանսիայից երեք GM200 ռադար կգնի. Reuters
ՔԱՂԱՔԱԿԱՆՈՒԹՅՈՒՆ
Ֆրանսիան Հայաստանին օգնում է բարելավել իր հակաօդային պաշտպանության հնարավորությունները՝ երեք ռադարների վաճառքի և Mistral զենիթահրթիռային հրթիռների ապագա մատակարարման համաձայնագրի միջոցով։ Այս մասին երկուշաբթի հայտարարել է պաշտպանության նախարար Սեբաստյան Լեկորնուն, փոխանցում է Reuters-ը։
«Երկինքը պաշտպանելը բացարձակապես առանցքային պահ է», - Փարիզում Հայաստանի պաշտպանության նախարար Սուրեն Պապիկյանի հետ համատեղ ասուլիսի ժամանակ ասել է Լեկորնուն։
Երկու նախարարները ստորագրել են Thales-ի կողմից արտադրված երեք GM 200 ռադարների վաճառքի մասին պայմանագիր, ինչպես նաև ֆրանսիական Mistral փոքր հեռահարության հակաօդային պաշտպանության համակարգերի ապագա մատակարարումների վերաբերյալ փոխըմբռնման հուշագիր։
Ֆրանսիան նաև կօգնի Հայաստանին նախապատրաստել իր ցամաքային պաշտպանական ուժերը և կաջակցի երկրի ջանքերին՝ բարեփոխելու և արդիականացնելու իր զինված ուժերը, ասել է Լեկորնուն։
«Մենք պահպանում ենք մեր պաշտպանական հարաբերությունները (Հայաստանի հետ), թեև նույն ռազմական և քաղաքական դաշինքների մաս չենք կազմում։ Դրանք հիմնված են մի պարզ սկզբունքի վրա՝ պետք է կարողանալ ինքդ քեզ պաշտպանել»,- ասել է Լեկորնուն:
