Հարգելի արցախցիներ, ձեր օրհասական խնդիրների լուծման պատասխանատուն կառավարության շենքում է․ Էլիբեգովա

Հարգելի արցախցիներ, ձեր օրհասական խնդիրների լուծման պատասխանատուն կառավարության շենքում ա, ով ունի պետական ռեսուրս և, ըստ Սահմանադրության, պարտավոր է բոլոր ՀՀ անձնագիր ունեցողների խնդիրները լուծել։ Այս մասին Facebook-ի իր էջում գրել է Ադրբեջանի հարցերով փորձագետ Անժելա Էլիբեգովան:

«Թույլ մի տվեք խուսափել այդ պատասխանատվությունից, ձեզ պառակտելով և իրար դեմ հանելով»,- հավելել է նա:

Ավելի վաղ NEWS.am-ը հայտնել էր, որ առավոտյան Արցախի ներկայացուցչության մոտ հավաքված արցախցիների բողոքի ակցիայի ժամանակ ինչ-որ պահի իրավիճակը լարվեց, մարդիկ ներխուժեցին ներկայացուցչության շենք եւ ցանկանում էին հանդիպել Արցախի նախագահի հետ:  Արցախի նախագահը համաձայնեց դուրս գալ եւ դրսում պատասխանել հավաքվածների հարցերին: Նա կարճ ելույթ ունեցավ, ասաց, որ շատ բաներ կան, որոնց մասին չի կարող բարձրաձայն ասել, նաեւ նշեց, որ Արցախի Հանրապետությունը լուծարված չէ, քանի որ ոչ մեկը չի կարող լուծարել ժողովրդի կողմից ստեղծված հանրապետությունը:

Քանի որ իրավիճակը լարված էր եւ Արցախի նախագահին պարբերաբար ընդհատում էին, նա առաջարկեց դահլիճում հանդիպում կազմակերպել եւ ներս մտավ շենք:

Դրանից հետո Շահրամանյանը փակ դռների հետեւում հանդիպում է ունեցել մի քանի տասնյակ արցախցիների հետ: