Իսրայելի հարվածները Սիրիային կարող են զինված էսկալացիա հրահրել ողջ տարածաշրջանում. ՌԴ ԱԳՆ

Ըստ ստացվող տեղեկությունների՝ հոկտեմբերի 12-ին Իսրայելի ռազմաօդային ուժերը հարվածներ են հասցրել Սիրիայի Արաբական Հանրապետության տարածքին։ Հարձակման հետևանքով վնասվել են Դամասկոսի և Հալեպի միջազգային օդանավակայանների թռիչքուղիները և դադարեցվել դրանց գործունեությունը։ Իսրայելական կողմի այս գործողությունները Սիրիայի Արաբական Հանրապետության ինքնիշխանության և միջազգային իրավունքի հիմնական նորմերի կոպիտ խախտում են։ Այս մասին ասվում է ՌԴ ԱԳՆ հայտարարության մեջ։

Այն նաև ասում է.

«Հարձակումների թիրախը կրկին եղել են Սիրիայում այնպիսի կարևոր քաղաքացիական ենթակառուցվածքներ, ինչպիսիք են օդանավակայանները։ Այսպիսով, անմեղ մարդկանց կյանքը և միջազգային օդային երթևեկության անվտանգությունը ենթարկվել են իրական վտանգի։

Պաղեստինա-իսրայելական հակամարտության գոտում իրավիճակի կտրուկ վատթարացման համատեքստում նման ուժային գործողությունները հղի են չափազանց վտանգավոր հետևանքներով, քանի որ դրանք կարող են հրահրել զինված սրացում ամբողջ տարածաշրջանում։ Սա ոչ մի դեպքում չպետք է թույլ տալ»։