Փորձագետ. Փաշինյանը Հայաստանին գցել է Թուրքիայի և Ադրբեջանի երախը
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ իր արևմտամետ քաղաքականությամբ վարչապետ Նիկոլ Փաշինյանը Հայաստանին դատապարտել է միայնակ դիմակայելու Թուրքիային և Ադրբեջանին, սակայն դա հայ ժողովրդի ընտրությունն է։ Այդ մասին «Գրքի օր» ակումբային հեռուստաալիքի եթերում հայտարարել է ռուս ռազմական փորձագետ Կոնստանտին Սիվկովը։
«Հայկական պետությանը սպառնում է գոյության հարցը, որպես այդպիսին, քանի որ Փաշինյանը բացահայտորեն գծել է արևմտյան հանրությանը ինտեգրվելու ուղին։ Ռուսական ռազմաբազայի վերացման հարցը կարճ հարց է: Ես հավատում եմ, որ շատ շուտով նա ձգտելու է դուրս բերել ռուսական ռազմաբազան Գյումրիից, դուրս գալ ՀԱՊԿ-ից և դուրս գալ ՀՕՊ միասնական համակարգից։ Ե՞րբ դա տեղի կունենա: Կարծում եմ ելնելով իրավիճակի զարգացման տեմպերից, առաջիկա մեկուկես տարում»,- նշել է նա։
«Դե ուրեմն հայ ժողովուրդը Թուրքիայի և Ադրբեջանի հետ միայնակ կորոշի իր անվտանգության ճակատագիրը։ Դա նրա իրավունքն է, դա հայ ժողովրդի ընտրությունն է։ Ես չեմ կարող գնահատական տալ, դատապարտել և այլն։ Եթե այդպես են ուզում, դա իրենց իրավունքն է, թող այլ պետություններն ու ֆրանսիացիները պաշտպանեն նրանց։ Ակնհայտ է, որ նրանք շատ ավելի լուրջ զինվորներ են»,- հեգնանքով ամփոփել է Սիվկովը։
Նյութը հրապարակման պատրաստեց Կամո Խաչիկյանը
