Իրանի արտգործնախարարը ՄԱԿ-ի գլխավոր քարտուղարի հետ քննարկել է Գազայի հատվածում տիրող աղետալի իրավիճակը
ՔԱՂԱՔԱԿԱՆՈՒԹՅՈՒՆ
Իրանի արտաքին գործերի նախարար Հոսեյն Ամիր Աբդոլահիանը Իսրայելի իշխանությունների վրա է դրել Գազայում իրավիճակի վատթարացման աղետալի հետևանքների պատասխանատվությունը, գրում է Tasnim-ը։
Իրանի ԱԳ նախարարը ՄԱԿ-ի գլխավոր քարտուղար Անտոնիո Գուտերեշի հետ հեռախոսազրույցում ասել է, որ «սիոնիստական ռեժիմը ռազմական հանցագործություններ է կատարում՝ դադարեցնելով էլեկտրաէներգիայի և ջրի մատակարարումը Գազայում և կանխելով տարածաշրջան դեղորայքի ու սննդի առաքումը»։
Ամիր Աբդոլահիանը նաև հայտնել է Գազա մարդասիրական օգնություն ուղարկելու Իրանի պատրաստակամությունը՝ հայտարարելով, որ ակնկալվում է, որ ՄԱԿ-ը հրատապ քայլեր կձեռնարկի Գազայի պաղեստինցիներին ջուր, սնունդ և մարդասիրական բեռներ ուղարկելու համար:
Իր հերթին ՄԱԿ-ի ղեկավարն ասել է, որ Գազայում ՄԱԿ-ի հարյուրավոր աշխատակիցներ գտնվում են սարսափելի պայմաններում, իսկ նրանցից շատերը զոհվել են Իսրայելի հարվածների հետևանքով:
Գուտերեշն ասել է, որ ՄԱԿ-ը խորհրդակցություններ է անցկացնում այլ երկրների հետ՝ նվազեցնելու Գազայի ռմբակոծության ինտենսիվությունը և կանխելու մեծ աղետը տարածաշրջանում։
Արտահայտելով ՄԱԿ-ի անհամաձայնությունը իսրայելցի պաշտոնյաների քաղաքականության հետ՝ նա ընդգծել է պաղեստինցիների՝ իրենց ճակատագիրը որոշելու և անկախ պետություն ստեղծելու իրավունքը ճանաչելու անհրաժեշտությունը, նշում է լրատվամիջոցը։
