Ոչ մի նոր ծրագիր էլ չկա. Մեսրոպ Առաքելյանը՝ Փաշինյանի հայտարարության մասին
ՔԱՂԱՔԱԿԱՆՈՒԹՅՈՒՆ
Արդեն 3 տարի է՝ Արցախի տեղահանված բնակիչների համար գործում է աջակցության ծրագիր՝ ամսական 40.000 դրամի չափով։ Այս մասին իր ֆեյսբուքյան էջում գրել է «Ապրելու երկիր» կուսակցության անդամ Մեսրոպ Առաքելյանը՝ անդրադառնալով արցախցիներին աջակցություն տրամադրելու Փաշինյանի հայտարարությանը:
«Այդ ծրագրից օգտվում են նրանք, ովքեր մինչև 2020թ. ապրել են պատերազմի արդյունքում կորցրած տարածքներում։
Եվ ահա հիմա, Նիկոլ Փաշինյանը հայտարարում է արցախահայության նոր ծրագրի մասին, այնինչ արդյունքում բոլոր արցախցիները դարձել են գործող ծրագրի շահառու։
Ոչ մի նոր ծրագիր էլ չկա։
Ի դեպ, այդ բոլոր շահառուների համար կար նաև այլ ծրագիր. նրանք բոլորը այդ գումարը ստանում էին մինչև նոր բնակարանի ստանալը։
Հետևաբար, Արցախի բոլոր բնակիչները պետք է դառնան նոր բնակարան ստանալու ծրագրի շահառու։
Դրա մասով լուծումների ու Արցախի բյուջեի 144 մլրդ դրամի ճակատագրի մասին կխոսեմ առաջիկայում»,- գրել է նա։
