Արթուրը հասցրեց յուրօրինակ խորհրդանիշ դառնալ` բարության ու մարդասիրության. Հովիկ և Արգամ Աբրահամյանները «Հաց բերող»-ի մասին

«Հաց բերող» անվանումը ստացած Արթուր Սարգսյանի մահվան կապակցությամբ ՀՀ նախկին վարչապետ Հովիկ Աբրահամյանն ու նրա որդին՝ Արգամ Աբրահամյանը Facebook-ի իրենց էջերում գրառում են կատարել:

«Ցավով տեղեկացա Արթուր Սարգսյանի մահվան մասին, որին մեր ժողովուրդը կնքել էր Հաց բերող անունուվ: Սարգսյանին` հասարակության կողմից տրված Հաց բերող անունը շատ բաների մասին է խոսում: Արթուրը հասցրեց յուրօրինակ խորհրդանիշ դառնալ` բարության ու մարդասիրության: Ցավակցում եմ Արթուր Սարգսյանի ընտանիքի անդամներին, հարազատներին ու ընկերներին: Աստված հոգին լուսավորի»,- գրել է Հովիկ Աբրահամյանը:

Արգամ Աբրահամյանն էլ գրել է. ««Հաց բերող»-ի մահը խորը ցավ պատճառեց ինձ. Աստված հոգիդ լուսավորի բարի մարդ»:

Նյութի աղբյուրը ` http://newsbook.am/?101636&l=am/