ՌԴ ԱԳՆ հայտարարությունը՝ Արցախում տիրող իրավիճակի մասին

Լեռնային Ղարաբաղում զինված դիմակայության կտրուկ սրման կապակցությամբ մենք կոչ ենք անում հակամարտող կողմերին անհապաղ դադարեցնել արյունահեղությունը, դադարեցնել ռազմական գործողությունները և բացառել քաղաքացիական զոհերը։

Լեռնային Ղարաբաղի կարգավորման ճակատագրի վրա արմատապես ազդել է պաշտոնական Երևանի կողմից 2022 թվականի հոկտեմբերին և 2023 թվականի մայիսին Լեռնային Ղարաբաղի՝ Եվրամիության հովանու ներքո անցկացվող գագաթնաժողովներում Ադրբեջանի տարածքի մաս ճանաչելը։ Սա փոխեց հիմնարար պայմանները, որոնց ներքո ստորագրվեց Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի հայտարարությունը, ինչպես նաև ռուսական խաղաղապահ կոնտինգենտի դիրքորոշումը։

Այժմ գլխավորը հրատապ վերադառնալն է 2020-2022 թվականների ամենաբարձր մակարդակով եռակողմ համաձայնագրերի փաթեթի իրագործմանը, որոնք հստակեցնում են ղարաբաղյան հիմնախնդրի խաղաղ կարգավորման բոլոր քայլերը, դադարեցնում զինված առճակատումը և անում են հնարավոր ամեն ինչ, որպեսզի ապահովվի Լեռնային Ղարաբաղի բնակչության իրավունքներն ու անվտանգությունը։