Քաղաքացիները Անդրանիկ Թեւանյանի գլխավորությամբ ցանկանում են վրան տեղադրել, ոստիկանությունը թույլ չի տալիս

Քաղաքացիները Անդրանիկ Թեւանյանի գլխավորությամբ որոշել են գիշերել Հանրապետության հրապարակում:

Նրանք պատրաստվում են վրան տեղադրել:

«Ես ի սկզբանե հայտարարել եմ, որ պատրաստ եմ ցանկացած քայլի եւ անձնազոհության հանուն մեր երկրի, հանուն Հայաստանի ու Արցախի: Որեւէ աթոռակռիվ ինչ չի հետաքրքրում: Ես ժողովրդին կոչ եմ անում անդադար եւ առանց ընդմիջումների սատար կանգնել մեր ծրագրին: Մենք մնալու ենք այստեղ մինչեւ Նիկոլ Փաշինյանի հրաժարականին եւ հեռացմանը հասնելը: Ինձ օգնեք տեղադրեմ այն վրանը, որտեղ մնալու եմ այնքան ժամանակ, մինչեւ ժողովուրդը գա, հավաքվի եւ մենք միասին հասնենք փոփոխությունների»,-ասաց նա:

Ոստիկանության ներկայացուցիչը ցուցարարներին հորդորեց իրենց ակցիան իրականացնել առանց վրան տեղադրելու. «Եթե որոշել եք ակցիա իրականացնել, հարմարվեք եղանակային պայմաններին՝ առանց վրան տեղադրելու: Վրան չի  տեղադրվելու՝ ելնելով հասարակական կարգի պահպանությունից: Հանվելու է վրանը»: