«Գլուխը կջարդեմ ու չգիտեմ՝ կհասնի իր էրեխեքին, թե չէ». գեներալ Լյովա Երանոսյան

Դեռևս 2014 թ․ի վերջին, դեկտեմբեր ամսին տեղի ունեցած մի միջադեպի առիթով Լ․ Երանոսյանը հանդես եկավ մի հայտարարությամբ, որը մեծ իրարանցում և դժգոհություն առաջացրեց ժողովրդի մոտ։ Այսօր էլ, ցավոք սրտի, նման դժգոհություններիպակաս չի զգացվում։ Ձեզ ենք ներկայացնում այդ հարցազրույցից մի հատցած։

ՀՀ ոստիկանության զորքերի հրամանատար, փոխոստիկանապետ, գեներալ-լեյտենանտ Լևոն Երանոսյանը Armlur.am-ի հետ զրույցում հայտարարեց, թե ազատամարտիկ լինելը չի նշանակում, որ ամեն ինչ կարելի է անել:

Հիշեցնենք, որ մոտ մեկ շաբաթ առաջ ազատամարտիկներ Մանվել Եղիազարյանի և Ռազմիկ Պետրոսյանի դեմ հարձակումը կապվում է հենց փոխոստիկանապետի հետ: Ավելի վաղ Լ. Երանոսյանը «Ժողովուրդ»-ի հետ զրույցում նշել էր, որ «այս երկրում ով լինի, իր ներկայությամբ հանրապետության նախագահի հասցեին որևիցե մի բան ուզենա ասելու, ականջները կկտրի շան թուլի պես»:

-Ես Ձեր հարցին չեմ կարող պատասխանել, քանի որ չգիտեմ, թե ովքե՞ր են այդ սլաքներն ուղղում, ովքե՞ր են այդ շահագրգիռները, որ նման հայտարարություններով են հանդես գալիս: Ես էլի եմ կրկնում, որ այդ հարցերն ուղղե՛ք Ռազմիկ Պետրոսյանին

-Դուք միջադեպից հետո զրուցե՞լ եք Ռազմիկ Պետրոսյանի հետ, արդյո՞ք Ձեր ընկերը նույնպես այն կարծիքին է, որ Դուք եք հրամայել, որ իրենց ծեծի ենթարկեն:

-Ով ինչ է հայտարարում, ես չգիտեմ, բայց մինչև այսօր էլ ինքը չի կարող կասկածել, որ ես եմ իրեն ծեծել կամ ծեծել տվել:

-Եթե նշում եք, որ Ռ. Պետրոսյանն ու Մ. Եղիազարյանը Ձեր մարտական ընկերներն են, ու Դուք շատ մտերիմ հարաբերություններ ունեք նրանց հետ, այդ դեպքում, ըստ Ձեզ, ովքե՞ր կարող էին նման կերպ վարվել նրանց հետ: Ի՞նչ խնդիրներ ունեն նրանք, որի պատճառով կարող էին բռնության ենթարկվել:

-Լավ, այդ դեպքում ի՞նչ եք քննարկել Ձեր մարտական ընկերների հետ, ինչո՞ւ էիք որոշել նրանց հետ «հաց» ուտել, ի վերջո, հանդիպման նախաձեռնողը Դուք եք եղել, որից էլ ենթադրվում է, որ կոնկրետ նպատակ է հետապնդել այդ հանդիպումը: Քննարկել եք Սերժ Սարգսյանի վարած քաղաքականության, երկրում տիրող իրավիճակի մասի՞ն:

-Ես ով եմ, որ երկրի մասին ինչ-որ բաներ քննարկեմ, կարող է Ռազմիկը հռետորի պես խոսել՝ սենց-նենց… Ես ոչ մեկի հետ կիսելու բան չունեմ, իմ մարտական ընկերների հետ՝ առավել ևս: Ինչ հնարավորությունների տեր իրենք են, կարող ենք ասել, ու ես իրենցից սահմանափակ հնարավորությունների տեր եմ, եթե կիսելու բան կար, կիմանայիք: Ես հանցանք չեմ կատարել՝ իրենց հետ հանդիպելով:

-Այսօրվա դրությամբ ծեծի միակ հեղինակը, հասցեատերը համարվում եք Դուք, մինչև այսօր որևէ մեկի անունը չի շոշափվել…

-Դա ո՞վ է շոշափում, դա շոշափում են լրատվամիջոցները, որի մասին գրում են, թե դու ու Ռազմիկը ծեծ ու ջարդ եք արել, հարց տվեք նաև Ռազմիկին էլ… Ինքն էլ թող խոսի:

-Ռազմիկ Պետրոսյանն արդեն պատասխանել է, որ ինքը հայհոյել է, բայց իր ականջները չեն կտրել, ինչպես որ Դուք հայտարարել էիք, թե ով Ձեր դեմ հայհոյի Սերժ Սարգսյանին «շան թուլի պես ականջները կկտրեմ»:

-Ես իմ խոսքը պնդում եմ, որ եթե որևէ մեկը կա էդքան տղա, իմ ներկայությամբ, դեմս նստած, փորձի գերագույն հրամանատարի հասցեին որևիցե մի բան ասի, գլուխը կջարդեմ ու չգիտեմ՝ կհասնի իր էրեխեքին, թե չէ: