Փաշինյանը հարցազրույց է տվել Պետրոս Ղազարյանին

Այսօր երեկոյան Հանրային հեռուստաընկերության «Լուրեր»-ի գլխավոր թողարկումից անմիջապես հետո եթեր կհեռարձակվի Նիկոլ Փաշինյանի հարցազրույցը Պետրոս Ղազարյանի հետ:

Նշենք, որ Նիկոլ Փաշինյանի հերթական հարցազրույցներից մեկը Ղազարյանին 2020 թվականի սեպտեմբերի 25-ին էր, երկու օր անց սկսվեց 44-օրյա պատերազմը: 

Վերջին օրերին Փաշինյանը աշխարհի տարբեր երկրների առաջնորդների հետ հեռախոսազրույցներ է ունեցել, պաշտոնական հաղորդագրություններում կարմիր թելով անցնում էր այն, որ ինքը պատրաստ է հրատապ բանակցել Իլհամ Ալիևի հետ: Փաշինյանը հեռախոսազրույց չի ունեցել մինչ այս պահը տարածաշրջանի գլխավոր դերակատար Վլադիմիր Պուտինի հետ: 

Ի դեպ, Էրդողանը երեկ հայտարարել է, որ այսօր Փաշինյանի հետ հեռախոսազրույց կունենա: