Ռուսաստանի և Թուրքիայի ԱԳ նախարարները կքննարկեն հայ-թուրքական հարաբերությունների վերականգնման հարցը

Ռուսաստանի և Թուրքիայի ԱԳ նախարարներ Սերգեյ Լավրովը և Հաքան Ֆիդանը, ի թիվս այլ հարցերի, կքննարկեն հայ-թուրքական հարաբերությունների կարգավորման թեման։ Այս մասին ասվում է ՌԴ ԱԳՆ հաղորդագրության մեջ:

«Նախատեսվում է հանգամանորեն վերլուծել Անդրկովկասում համագործակցության խորացման հարցերը, այդ թվում՝ Հայաստանի եւ Թուրքիայի միջեւ հարաբերությունների վերսկսման, տրանսպորտային հաղորդակցության եւ հաղորդակցությունների ապաշրջափակման եւ տարածաշրջանի հետկոնֆլիկտային վերականգնման հարցերը»,-ասվում է հաղորդագրության մեջ։

Սա  Թուրքիայի ԱԳ նախարարի պաշտոնում Ֆիդանի առաջին այցն է Ռուսաստան։