Դավիթ Իշխանյանի նշանակումը դեղին քարտ էր թուրք-ադրբեջանական տանդեմին․ Կարեն Քոչարյան

Լաչինի միջանցքը բացվելու է աշխարհաքաղաքական կոնսենսուսի միջոցով եւ բավականին կոշտ միջոցներով։ Այս մասին NEWS.am-ի հետ զրույցում ասաց քաղտեխնոլոգ Կարեն Քոչարյանը։

«Նոյեմբերի 9-ի ստորագրողներից մեկը Ռուսաստանն է, Հայաստանը ոչինչ չի անում, Ալիեւն էլ պարզ է՝ շատ բան կարող է ուզել։ Ռուսաստանն ունի պարտավորություններ։ Հասկանալի է՝ կարող է ասել՝ ինչ անեք, եթե Հայաստանի իշխանության քաղաքականությունն այսպիսինն է, սակայն իրենք Նիկոլ Փաշինյանի ռազմաքաղաքական դաշնակիցը չեն, այլ ժողովրդի։ Մենք չենք կարող այստեղ շոշափելի աջակցություն ակնկալել Արեւմուտքից, օրինակ՝ ԱՄՆ-ն այստեղ զորք չունի, այստեղ կան Իրանը, Ռուսաստանը եւ եթե ռոմանիտիկայից դուրս ենք մտածում, հասկանում ենք, որ Արեւմուտքն այստեղ դեր ունենալ չի կարող»,- ասաց նա

Կարեն Քոչարյանի կարծիքով՝ դաշնակցական Դավիթ Իշխանյանի նշանակումը ԱՀ Ազգային ժողովի նախագահի պաշտոնում սիմվոլիկ ասված կարմիր շոր էր Թուրքիայի եւ Ադրբեջանի համար․ «Կարծում եմ՝ սա դրսի առաջարկ է եղել։ Սա դեղին քարտ էր թուրք-ադրբեջանական տանդեմին»։