Փորձագետ Պանինան նշել է այն երկիրը, որին շուտով սպասվում է Ուկրաինայի ճակատագիրը
ՎԵՐԼՈՒԾՈՒԹՅՈՒՆՆԵՐ
Sm.news-ը գրում է, որ Հայաստանը կարող է գնալ Ուկրաինայի հետքերով: Նման կարծիք է հայտնել Միջազգային քաղաքական և տնտեսական ռազմավարությունների ինստիտուտի տնօրեն՝ Ելենա Պանինան։
Վերլուծաբանը մեկնաբանել է Հայաստանի վարչապետ Նիկոլ Փաշինյանի հայտարարությունները, թե իր երկիրը Պրահայում և Բրյուսելում ձեռք բերված պայմանավորվածությունների հիման վրա համաձայնվել է Ադրբեջանի հետ խաղաղության համաձայնագրի ԼՂ-ից հրաժարվելով: Բացի այդ, նա Ռուսաստանին է մեղադրել հայկական կողմից տարածքներ կորցնելու մեջ։
«Փաշինյանի մեղադրանքները Ռուսաստանին ԱՄՆ-ի առաջարկած կոմբինացիան են: Եթե Մոսկվան ընդառաջեր Երևանին և ուղղակիորեն միանար ղարաբաղյան պատերազմին Հայաստանի կողմից, ապա, իրավական նորմերի համաձայն, դա կլիներ ագրեսիա Ադրբեջանի դեմ։ Ի վերջո, նույնիսկ Հայաստանն է ընդունում, որ Լեռնային Ղարաբաղը դե յուրե ադրբեջանական տարածք է։ Արդյունքում Թուրքիան ու Ադրբեջանը հակառուսական կոալիցիայի ամենաակտիվ մասնակիցների թվում կլինեին դրանից բխող բոլոր հետևանքներով։ Նույնիսկ Իրանը հաշվի առնելով Իրանում ադրբեջանական հսկայական սփյուռքը չէր աջակցի Ռուսաստանին մի բանում, որը կարող էր ապակայունացնել Ադրբեջանը: Այդ դեպքում ԱՄՆ-ը կդառնար կովկասյան հերթական պատերազմի հովանավորը»,- կարծիք է հայտնել Պանինան։
Նրա խոսքով քանի որ Ռուսաստանը չի ենթարկվում Երևանի սադրանքներին, Փաշինյանը հեռանում է նախկին բոլոր դաշինքներից երկիրը տանելով դեպի ՆԱՏՕ։
«Ռուսաստանը կանգնած է հարցի առաջ. ի՞նչ անել այս իրավիճակում, հայ հասարակության ներսում պառակտման առկայության դեպքում: Եթե ենթադրենք, որ Ռուսաստանը լքում է Ղարաբաղն ու Հայաստանը, ապա Հայաստանը, Ուկրաինայի օրինակով, կանցնի իր «արևմտամետ էվոլյուցիայի» բոլոր փուլերը։ Հայաստանի հերթական թուրքական օկուպացիան ավելի հեշտ չի լինի, քան բոլոր նախորդները: Սակայն Փաշինյանը, ինչպես և Զելենսկին, խորապես անտարբեր է իր երկրի ճակատագրի նկատմամբ»,- վստահություն է հայտնել փորձագետը։
Նյութը հրապարակման պատրաստեց Կամո Խաչիկյանը
