Հաշվի առնելով Հայաստանի տեղը, դիրքը, էներգետիկ բալանսը՝ չկա այլընտրանք, քան ատոմային էներգետիկան. Արթուր Մարտիրոսյան
ՀԱՍԱՐԱԿՈՒԹՅՈՒՆ
Հաշվի առնելով Հայաստանի տեղը, դիրքը, էներգետիկ բալանսը, հաշվի առնելով տարածաշրջանային ծրագրերը, չկա այլընտրանք, քան ատոմային էներգետիկան: Այս մասին ասյօր՝ օգոստոսի 5-ին, «Նոր ատոմային բլոկը ՀՀ էներգետիկ և ազգային անվտանգության համատեքստում» խորագրով կլոր սեղան-քննարկման ժամանակ ասաց էներգետիկ անվտանգության փորձագետ, տնտեսագիտական գիտությունների թեկնածու Արթուր Մարտիրոսյանը:
«Հետեւաբար այն թեզը, որ նաեւ շրջանառվում էր ժամանակին, եւ մասնագիտական եւ ոչ մասնագիտական շրջանակով, որ ՍԵՊԱ-ում գրված է, որ Հայաստանը պետք է ատոմային էներգետիկա չունենա, նման դրույթ ՍԵՊԱ-ում չկա եւ ի լրումն դրա ուզում եմ ասեմ, որ 2022 թվականի փետրվարին Եվրահանձնաժողովը ընդունելով տաքսոնոմիայի իր ծրագիրը, այսինքն՝ կանաչ տնտեսության կառուցման ծրագիրը, հստակորեն նշել է, որ ատոմային էներգետիկան չի հակասում այդ ծրագրին: Այսինքն՝ այ թեզը, որ ատոմային էներգետիկան կանաչ չի, վերականգնվող էներգետիկայի հետ հակադրվում է պաշտոնապես հերքել է Եվրահանձնաժողովը, հետեւաբար մեր էներգետիկ դիվանագիտության մեջ ակտիվորեն եւ հստակ այն պետք է կիրառվի»,-ասաց նա:
Նա նշեց, որ եթե Հայաստանի Հանրապետությունը որոշել է գնա զարգացման ճանապարհով, տեխնոլոգիական զարգացման, հզորությունների ավելացման տարածաշրջանային գործոն եւ սուբյեկտ դառնալու ճանապարհով, բնականնաբար Հայաստանը պետք է ունենա մեծ հզորություններ:
«Պետք է դիտարկել, թե երկարաժամկետ հեռանկարով ՀՀ-ն ինչ հնարավորություններ ունի, ինչ ծրագրերի կարող է միանալ եւ դրանցից ինչ ուղղակի կամ անուղղակի մուլտիպլիկտաիվ էֆֆեյտենր կարող է ունենալ»,- նշեց նա:
