Հայաստանն Արցախ է ուղարկում 400 տոննա հումանիտար օգնություն
ՔԱՂԱՔԱԿԱՆՈՒԹՅՈՒՆՏասնյակից ավելի բեռնատարներ, Արցախի համար նախատեսված Հայաստանի մարդասիրական օգնությամբ, կանգնած են Երևանում և սպասում են հումանիտար օգնությունն արցախցիներին հասցնելուն, որոնք Ադրբեջանի կողմից բլոկադայի հետևանքով զրկված են առաջին անհրաժեշտության ապրանքներից։
«Մարդասիրական օգնությամբ բեռնված երկու տասնյակ բեռնատար այսօր 400 տոննա հումանիտար օգնություն կհասցնի մինչև Կոռնիձոր, որտեղից նախատեսվում է ռուս խաղաղապահների միջոցով հումանիտար օգնությունը փոխանցել արդեն 227 օր շրջափակման մեջ գտնվող Լեռնային Ղարաբաղի ժողովրդին», - ֆեյսբուքյան իր էջում մանրամասնել է վարչապետի աշխատակազմի ղեկավարի տեղակալ Տարոն Չախոյանը։
Հիշեցնենք, որ երեկ Կառավարությունը հաղորդեց, որ ԼՂ-ում հումանիտար ճգնաժամի կառավարման աշխատանքային խումբը որոշումներ է կայացրել Լեռնային Ղարաբաղի բնակչությանը պարենային և բժշկական հրատապ հումանիտար աջակցության վերաբերյալ: Կառավարությունը չէր մանրամասնել, թե ինչպես էր այդ օգնությունը հասցվելու պաշարված Արցախ։
