Ավտովթար խաչմերուկում. բախումից հետո «Մերսեդեսը» հայտնվել է արագ սննդի սպասարկման կետում. Կան վիրավորներ

Հայաստանի ԱԻՆ-ում, այսօր՝ մարտի 9-ին, ժամը 00:33-ին ահազանգ է ստացվել, որ Երեւան քաղաքի Ռադիոկայմ թաղամասում տեղի է ունեցել ավտովթար. ավտոմեքենաներից մեկից ծուխ է նկատվում. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Թբիլիսյան խճուղու եւ Զ. Սարկավագ փողոցի խաչմերուկում բախվել են «Mercedes E320» մակնիշի 97 NO 700 (վարորդ՝ Ա. Հ.) եւ «Opel Astra G» մակնիշի 21 QQ 022 համարանիշերի (վարորդ՝ 49-ամյա Ա. Ո.) ավտոմեքենաները, այնուհետեւ «Mercedes E320» մակնիշի ավտոմեքենան հայտնվել է մոտակայքում գտնվող արագ սննդի սպասարկման կետում:

Մինչ փրկարարների՝ կանչի վայր հասնելը, Ա. Ո.-ն տեղափոխվել է «Սրբ. Գր. Լուսավորիչ» ԲԿ, իսկ «Mercedes E320» ավտոմեքենայի ուղեւոր՝ 33-ամյա Ա. Խ.-ն, տեղի ուժերով տեղափոխվել է «Իզմիրլյան» ԲԿ: Բժիշկները տուժածների առողջական վիճակը գնահատել են բավարար եւ միջին ծանրության:

Փրկարարները արագ սննդի կետից դուրս են բերել ավտոմեքենան (բեռնախցիկից նկատվել է ծուխ), կատարել են հովացման աշխատանքներ եւ անջատել ավտոմեքենայի շարժիչը: