Փրկարարները Կարբիի ջրավազանից դուրս են բերել 84-ամյա քաղաքացու դին

Հուլիսի 12-ին, ժամը 06։42-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կարբի գյուղի ՀԷԿ-ի ջրավազանում տղամարդու դի կա. դուրս բերելու համար անհրաժեշտ է փրկարարների օգնությունը:

ՆԳՆ փրկարար ծառայությունից NEWS.am-ին հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները ջրավազանից դուրս են բերել Յ. Դ.-ի (ծնված 1939 թ.) դին: