Բաքուն ՄՔԴ-ի որոշումն ընդունել է որպես «կանաչ լույս»՝ Լեռնային Ղարաբաղի շրջափակումը խստացնելու համար

Բաքուն ՄՔԴ-ի որոշումն ընդունել է որպես «կանաչ լույս»՝ Լեռնային Ղարաբաղի շրջափակումը խստացնելու համար։

«Մենք ողջունում ենք դատարանի որոշումը, որը հաստատում է Ադրբեջանի՝ իր սահմանները վերահսկելու իրավունքը եւ ապացուցում է սահմանային անցակետը վերացնելու Հայաստանի պահանջի անհիմն լինելը։ Այսպիսով, հայկական կողմի՝ վերջին որոշման սխալ մեկնաբանությունը ոչ այլ ինչ է, քան փակուղային իրավիճակից ուշադրությունը շեղելու փորձ:

Լաչինի ճանապարհի մուտքի մոտ սահմանային անցակետ ստեղծելու մասին Ադրբեջանի որոշումը նրա ինքնիշխան իրավունքն է՝ պաշտպանելու սահմանները։ Ադրբեջանը կշարունակի ձեռնարկել բոլոր անհրաժեշտ միջոցները՝ միջազգային իրավունքի շարունակական եւ պատմականորեն լուրջ խախտումների համար Հայաստանին պատասխանատվության ենթարկելու համար»,-ասվում է Ադրբեջանի ԱԳՆ-ի հայտարարության մեջ։   

Այսպիսով, ՄՔԴ-ն իր որոշմամբ «դաբրո» տվեց Ադրբեջանի իշխանություններին՝ շարունակելու Լեռնային Ղարաբաղի նկատմամբ ցեղասպան քաղաքականությունը։