Արմեն Աշոտյանին կալանքի տանելու իշխանական օպերացիան երկար պլանավորման ճանապարհ է անցել․ Աբրահամյան

ՀՀԿ փոխնախագահ Արմեն Աշոտյանին կալանքի տանելու իշխանական օպերացիան երկար պլանավորման ճանապարհ է անցել: Դրանում համոզված է ԱԺ պատգամավոր Տիգրան Աբրահամյանը։

Նա ֆեյսբուքյան իր էջում գրել է․«Թվում է, որ կանխատեսելի էր ազատությունից զրկելով՝ Աշոտյանին լռեցնելու իշխանական մոլուցքը, մյուս կողմից` քաղբանտարկյալների շարքը նման կալիբրի գործիչով համալրելը ցույց է տալիս, որ ներքին վախերն ու ճշմարտության հետ չառերեսվելն իշխանությանը ստիպում է գնալ արկածախնդրության ճանապարհով:

Արմենը շատ դժվարությունների ու փորձությունների միջով է անցել, անշուշտ, սա էլ կհաղթահարի, բայց մեկ է` իշխանության այս այլանդակ քայլն հենց իր համար հակառակ ֆունկցիա է կատարելու:

Ազատությո՛ւն քաղբանտարկյալ Արմեն Աշոտյանին»: