Դավիթ Տոնոյանի առաջարկն ինչու չընդունեցինք, որովհետև առաջարկում էր լրիվ այլ ձևաչափ. Անդրանիկ Քոչարյան

Դավիթ Տոնոյանի առաջարկն ինչու չընդունեցինք, որովհետև առաջարկում էր լրիվ այլ ձևաչափ, այսինքն քննիչ հանձնաժողովն օգտագործել Նիկոլ Փաշինյանի հետ բանավիճելու համար։ Այս մասին Պետրոս Ղազարյանին տված հարցազրույցում ասաց ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ խոսելով 44-օրյա պատերազմի հանգամանքները քննող հանձնաժողովի աշխատանքի ձևաչափի մասին։

«Քննիչ հանձնաժողովը բանավիճելու միջավայր չէ։ Քննիչ հանձնաժողովը նաև լուրջ սահմանադրական իրավասությամբ օժտված հարթակ է»,- ասաց Քոչարյանը։

Հարցին, թե արդյոք վարչապետի համար է միայն քննիչ հանձնաժողովի ձեւաչափը փոխվել, Քոչարյանն հերքեց, նշելով որ Փաշինյանի համար ձևաչափ չեն փոխել։

«Պարզապես վարչապետի հետ քննարկման արդյունքում մենք գտել ենք, որ այս գործիքակազմը նույնպես պետք է օգտագործել»,- հավելեց Քոչարյանը։

Դիտարկմանը, թե մյուսներին առաջարկվել է այս ձեւաչափով հանդես գալ, իշխանական պատգամավորն ասաց․ «Մենք որոշում ենք գաղտնիության ինչ ծավալ կա ներկայացված նյութի մեջ: Պարոն Փաշինյանի երեկվա ներկայացվածի մեջ․․․ ինքն է որոշել՝ գաղտնիության որևէ տիրույթ գոյություն ունի, թե՝ չէ»։