Աշոտյանի պաշտպանության կոմիտեն լուրջ գլխացավանք է դառնալու վարչախմբի համար

Կրթության և գիտության նախկին նախարար՝ օրեր առաջ կալանավորված Արմեն Աշոտյանի պաշտպանության համար կոմիտե է ձևավորվելու, որը սպառնում է լուրջ գլխացավանք դառնալ գործող վարչախմբի համար։

Նորօրյա քաղբանտարկյալների կոմիտեն, մեր տեղեկություններով, կներառի հանրության մեջ մեծ ճանաչում և հեղինակություն ուենցող գործիչների, մտավորականների, ընդդիմադիր ակտիվիստների։

Ինչպես և գեներալ Գրիգորի Խաչատուրովի դեպքում, որի հանրային պաշտպանության կոմիտեն բավական ակտիվ պայքարում է վարչախմբի ապօրինությունների դեմ, Աշոտյանի պաշտպանության կոմիտեն և կարող է դառնալ բավական լուրջ, աղմկոտ ուժ՝ պաշտպանելով քաղբանտարկյալի շահերը։

Ինքն՝ Արմեն Աշոտյանը հսկայական կապեր ունի Եվրոպայում, Եվրոպայի ժողովրդական կուսակցությունն է մտահոգ նրա կալանավորման փաստով։ Եվ, ստեղծվելիք կոմիտեն կարող է աշխատել նաև միջազգային կառույցների հետ։

Լիլիթ Մանուչարյան