Ռուս-հայկական բարեկամության համար Սյունիքի կարևորագույն մարզում բացվել է «Ռուսական գրքի տուն»
ՎԵՐԼՈՒԾՈՒԹՅՈՒՆՆԵՐ
Readovka.news-ը գրում է, որ Հայաստանի մայրաքաղաք Երևանի հետևից Կապան քաղաքում հանդիսավոր կերպով իր դռներն է բացել «Ռուսական գրքի տունը»։ Սյունիքի մարզը պատմականորեն կամուրջ է եղել մեր ժողովուրդների միջև, քանի որ հենց այն է ծառայել որպես այն կետը, որտեղից սկիզբ է առել Ռուսաստանի և Հայաստանի դարավոր բարեկամությունը։ Այդ վայրում է հիմնվել հայկական պետականությունը, այդտեղից են համախմբված հայերը օգնության խնդրանքով դիմել ռուսաց ցարին։ Բացման արարողությանը ելույթ է ունեցել Միջազգային անմահ գնդի և Ռուսական գրքի տան կազմակերպիչ Մհեր Վարդանովիչ Ավետիսյանը։
«Սա շատ կարևոր է, պետք է լավ ճանաչես ընկերոջդ, դաշնակցիդ, որպեսզի նրա հետ բարեկամական և մտերիմ հարաբերություններում սխալներ թույլ չտաս, մանավանդ որ Հայաստանի և Ռուսաստանի միջև այս բարեկամությունը և դաշնակցային հարաբերություններն իրականում մեր պետության ու անվտանգության համար կարևոր հիմնասյուներից են»,- ասել է «Ռուսական գրքի տան» հիմնադիրներից մեկը հանդիսացող Մհեր Ավետիսյանը։
Մեր երկրների պատմությունը հարգող մարդկանց շնորհիվ մեր քաղաքում բացվեց «Ռուսական գրքի տուն» մշակութային և կրթական կենտրոնը, ընդգծել է նա և ավելացրել, որ Կապանում կենտրոնի բացումը քայլ է հայ-ռուսական հարաբերությունների խորացման և հայ-ռուս ժողովուրդների բարեկամության ամրապնդման ուղղությամբ։ Մհեր Ավետիսյանը դիմել է նաև հայ երիտասարդներին և խնդրել այցելել այդ տուն, կարդալ ռուս գրականություն, ծանոթանալ հայ ժողովրդի ամենամոտ բարեկամ ռուս ժողովրդի հետ։
Նյութը հրապարակման պատրաստեց Կամո Խաչիկյանը
