Պուտինը հայտնել է, թե ում հետ է պատրաստ Մոսկվան երկխոսել

Ռուսաստանի Դաշնության նախագահ Վլադիմիր Պուտինը հայտարարել է, որ Ռուսաստանը պատրաստ է կառուցողական երկխոսություն անցկացնել բոլորի հետ, ովքեր ցանկանում են խաղաղություն հաստատել՝ արդարության սկզբունքների հիման վրա։ Այդ մասին նա հայտարարել է աֆրիկյան երկրների ներկայացուցիչների հետ բանակցություններում, հաղորդում է Կրեմլի տելեգրամյան ալիքը։

«Մենք բաց ենք կառուցողական երկխոսության համար բոլորի հետ, ովքեր խաղաղություն են ցանկանում արդարության սկզբունքների հիման վրա և հաշվի են առնում կողմերի օրինական շահերը», - ասել է պետության ղեկավարը՝ մեկնաբանելով ուկրաինական ճգնաժամը խաղաղ ճանապարհով լուծելու աֆրիկյան երկրների նախաձեռնությունը։

Բացի այդ, Պուտինը նշել է, որ Ռուսաստանը ողջունում է աֆրիկյան պետությունների հավասարակշռված մոտեցումը Ուկրաինայի հակամարտության նկատմամբ։ Նախագահը նաև հավելել է, որ Մոսկվան բարձր է գնահատում աֆրիկյան երկրների դիրքորոշումը ստեղծված իրավիճակի վերաբերյալ։