Մենք կանգնած ենք Հայաստանի կողքին, որպեսզի հասնի արդար խաղաղության իր հարևանի հետ․ Ֆրանսիայի արտգործնախարար

Alphanews.am-ը գրում է.

Ֆրանսիայի արտաքին գործերի նախարար Կատրին Կոլոննան, պատասխանելով խորհրդարանում այն ​​հարցին, թե Փարիզն ինչպիսի օգնություն է ցուցաբերում Երևանին, ասել է.

«Մենք կանգնած ենք Հայաստանի կողքին՝ իր հարեւանի հետ արդար խաղաղության հասնելու համար։ Ոչ մի երկիր այս հարցում նման աջակցություն չի ցուցաբերում երկու երկրի, որքան մենք։ Մենք կանգնած ենք Հայաստանի կողքին՝ հասնելու արդար խաղաղության, ինչի վկայությունն են նախագահի ջանքերը։

Մենք նաև աջակցում ենք Հայաստանին, երբ խոսքը վերաբերում է տեղում լարվածության թուլացմանը։ Հիշեցնեմ, որ ապրիլին ես գնացի (Հարավային Կովկաս), որպեսզի օգնեմ Հայաստանի և Ադրբեջանի ղեկավարներին խաղաղ համաձայնության գալ»։

Կոլոննան ԵՄ դիտորդական առաքելությունը Հայաստանում բնութագրվել է որպես դեէսկալացիայի գործիք, որը, ըստ նրա, մեծապես ստեղծվել է Ֆրանսիայի ջանքերով, և որը «շատ նպաստում է դեէսկալացիային»։