Թուրքիայում կրկին երկրաշարժ է տեղի ունեցել

Թուրքիայի Սիվաս քաղաքում 4,1 մագնիտուդով երկրաշարժ է տեղի ունեցել։ Այս մասին հայտնում է տարերային աղետների հետեւանքների վերացման վարչությունը։

Twitter-ում վարչության տարածած հաղորդագրության համաձայն՝ ստորգետնյա ցնցումները գրանցվել են տեղական ժամանակով ժամը 18:07-ին Ուլաշ շրջանում:

Երկրաշարժի օջախը գտնվել է 7 կմ խորության վրա:

Ավելի վաղ՝ շաբաթ օրը, Ադանայում գրանցվել է 3,9 մագնիտուդով երկրաշարժ։