Էրդողանի դժգոհությունն առաջացրած ԱՄՆ դեսպանը նույնպես կմասնակցի երդմնակալությանը

ԱՄՆ-ին Թուրքիայի վերընտրված նախագահ Ռեջեփ Թայիփ Էրդողանի երդմնակալությանը կներկայացնի Անկարայում դեսպան Ջեֆ Ֆլեյքը։ Այս մասին գրել է Haberler.com պորտալը։

Պարբերականը հիշեցրել է, որ ընտրարշավի շրջանում Թուրքիայի նախագահը «փակել էր դռները» ամերիկացի այդ դիվանագետի առջեւ՝ հրաժարվելով հետագա փոխգործակցությունից։ Դա տեղի է ունեցել այն բանից հետո, երբ դեսպանը հանդիպել է ընտրություններում գործող նախագահի մրցակցի՝ ընդդիմության միակ թեկնածու Քեմալ Քըլըչդարօղլուի հետ։ Էրդողանն այն ժամանակ դիվանագետին ասել էր. «Մի քիչ գլխով մտածեք։ Դուք դեսպան եք։ Ձեր զրուցակիցն այստեղ նախագահն է։ Դուք կիմանաք ձեր տեղը»։