Թլիկ գյուղում տաքսու վարորդի սպանության մեջ կասկածվողն իրեն մեղավոր չի ճանաչում. փաստաբան

«Վարդան Հովսեփյանը ցուցմունք է տվել և իրեն մեղավոր չի ճանաչում»,-ասաց փաստաբանը:

Հարցին, թե տաքսու վարորդ Կարեն Գրիգորյանը և Վարդան Հովսեփյանը նախկինում ճանաչե՞լ են միմյանց, փաստաբանն ասաց. «Նրանք իրար չեն ճանաչել, այլ մանրամասներ չեմ կարող հայտնել»:

Հիշեցնենք, որ Ոստիկանությունը հաղորդագրություն էր տարածել, որ փետրվարի 26-ին, ոստիկանության Թալինի բաժնում ահազանգ էր ստացվել, որ Թլիկ գյուղի հարակից դաշտում հայտնաբերվել է դիակ՝ պարանոցի շրջանում արնահոսող վնասվածքով: 

Ձեռնարկված միջոցառումներով պարզվել է դիակի ինքնությունը՝ 1997 թ. ծնված Կարլեն Գրիգորյան:

Պարզվել է, որ Արմավիր-Գյումրի ճանապարհին՝ Թլիկ գյուղի մոտ, ծագած վիճաբանության ժամանակ Վարդան Հ.-ն դանակով հարվածել է Կ. Գրիգորյանին, պատճառել մահ, ապա դիմել է փախուստի:

Ժամը 19.45-ի սահմաններում նշված գյուղի դաշտից հայտնաբերվել և բերման է ենթարկվել Վարդան Հ.-ն, ով ձերբակալվել է: