Փաշինյանի պրիմիտիվությունը և անգրագիտությունը վտանգի տակ են դնում Հայաստանը
ՎԵՐԼՈՒԾՈՒԹՅՈՒՆՆԵՐ
«Նիկոլ Փաշինյանի պրիմիտիվությունը և անգրագիտությունը վտանգի տակ են դնում Հայաստանը»,- Հայ ազգային կոնգրեսի փոխնախագահ Լևոն Զուրաբյանն է այս արձանագրումն արել՝ մեկնաբանելով երեկ խորհրդարանում վարչապետի պաշտոնը զբաղեցնող անձի վիճահարույց հայտարաությունները։ «Մենք բոլորս ապրում ենք մի վայրում, որի կադաստրի վկայական չունենք»,- երեկ հայտարարել էր Փաշինյանը՝ պնդելով, «որ եթե հաջողվի Ադրբեջանի հետ ստորագրել խաղաղության պայմանագիրը, ապա գուցե իր բնորոշմամբ այդ վկայականը ստանանք»։
Ըստ Փաշինյանի՝ խաղաղության պայմանագրի դեպքում Հայաստանը շանս է ստանում իր տարածքի սեփականատերը դառնալ դե-յուրե։ «Մենք բոլորս հասկանում ենք, որ մենք մեզ շատ սիրելի հայրենիքում 30 տարի ապրում ենք մի տեղ, որի կադաստրի վկայականը չունենք, ընդ որում Հայաստանը որպես պետություն իր բազմահազարամյա գոյության ընթացքում երբեք կադաստրի վկայական չի ունեցել»,- հայոց պատմությունը վերախմբագրել է Նիկոլ Փաշինյանը՝ ըստ իր հայեցողության։
Այս և բազմաթիվ այլ վիճահարույց հայտարարություններ, որոնք Փաշինյանն արել է խորհրդարանում որևէ արձագանքի չեն արժանացել տիտղոսային ընդդիմության կողմից, ավելին «Հայաստան» և «Պատիվ ունեմ» խմբակցություններն ընդհանրապես չեն մասնակցել խորհրդարանի նիստին՝ պատրվակ բերելով դրանից քիչ առաջ տեղի ունեցած քաշքշուկը, երբ ընդդիմադիր պատգամավոր Արթուր Սարգսյանի ելույթի ժամանակ՝ ուղղված տխրահռչակ դատավոր Արմեն Դանիելյանին, ոչ պակաս տխրահռչակ Հովիկ Աղազարյանը ոչ այս կողմ, ոչ այն կողմ ընդդիմադիր պատգամավորին կոչ արեց «վեր ընկնել» իր տեղը։ Դրանից հետո սկսվեց և անվտանգության աշխատակիցները հեռացրին ընդդիմությանը, ինչից հետո էլ նրանք այլևս չվերադարձան խորհրդարան և որևէ կերպ չհամարձակվեցին հարցեր ուղղել Նիկոլ Փաշինայնին։
Ընդդիմության այս պահվածքը առնվազն տարօրինակ է, Փաշինյանին, հատկապես վերջին օրերին նրա չափազանց վտանգավոր և անգրագետ հայտարարություների համար, ընդդիմությունը կարող էր գամել անարգանքի սյունին, սակայն թերևս հրաժարվեց իրականացնել այդ քայլը։
Արամ Մամյան
