ՆԱՏՕ-ի ներգրավվածությունը Ուկրաինայի հակամարտության մեջ մեծացնում է միջուկային տերությունների բախման վտանգը. Լավրով

ՆԱՏՕ-ի երկրները դե յուրե ներգրավված են Ուկրաինայի հակամարտության մեջ, ինչը մեծացնում է միջուկային ուժերի անմիջական ռազմական բախման վտանգը, հայտարարել է ՌԴ արտգործնախարար Սերգեյ Լավրովը, գրում է Gazeta-ն։

«Իրականում դե յուրե ՆԱՏՕ-ի երկրները Կիևի կողմից անմիջականորեն ներգրավված են  հակամարտության մեջ: Նման անպատասխանատու գիծը զգալիորեն մեծացնում է միջուկային տերությունների միջև ուղիղ ռազմական բախման վտանգը»,- ասել է նա անվտանգության հարցերով զբաղվող բարձրագույն ներկայացուցիչների 11-րդ միջազգային հանդիպմանը։

Գերատեսչության ղեկավարի խոսքով՝ ԱԳՆ-ն ազդանշաններ է ուղարկում արևմտյան երկրների կառավարություններին նման սցենարի անթույլատրելիության մասին, սակայն դրանք «կամ անտեսվում են, կամ աղավաղվում քարոզչական նպատակներով»։