Ու՞մ համար էր նախատեսված տոննաներով կոկաինը

Հայ հասարակությունը Իտալիայում և Հայաստանում կոկաինի խոշոր խմբաքանակների բացահայտումից օրեր անց էլ տեղյակ չէ, թե ով է եղել գրեթե 4 տոննա թմրանյութի պատվիրատուն, ովքե՞ր էին կանգնած հանցավոր այդ գործողության ետևում, և ու՞մ համար էր նախատեսված կոկաինը։

Ավելին, հասարակությունը, քաղաքական և վերլուծական շրջանակները շարժվում են ձևավորված կլիշներեով, որոնք մեծամասամբ սխալ են լինում։ Կարծիք կա, թե կոկաինի գործի բացահայտմամբ իշխանությունները փորձում են շեղել Արցախը հանձնելու փաշինյանական դավաճանական քայլերից։ Իրականում հարց է ծագում, արդյո՞ք կոկաինի շուրջ աղմուկն էր ավելի նախընտրելի գործող իշխանությունների համար, թե՞ Արցախի հանձնման շուրջ հանրության բողոքը։

Մինչ գործող վարչախումբը փորձում է բացահայտումներից հետո ալիբի ստեղծել, իբր քրտնաջան պայքարում են տրանսազգային կազմակերպված հանցավորության դեմ, հայաստանյան քրեաօլիգարխիկ, իշխանության հետ սերտաճած շրջանակները լուրջ խնդիրների են բախվելու։ Թմրանյութերի նման քանակության տարանցումն անհնար էր ազդեցիկ միջազգային հանցախմբերի մասնակցությամբ, ՀՀ վերջին իշխանության թողտվությամբ և համաձայնությամբ։

Խոսքը ֆինանսական մեծ ռեսուսրների մասին է, իսկ նման քանակությամբ թմրանյութի առգրավման համար դեռ որոշ շրջանակներ պետք է պատասխանատվութուն կրեն, որ երաշխիքներ են տվել, թե թմրանյութը հանգիստ անցնելու է Հայաստանով։ Իհարկե, պատկան մարմինները հրաշալի գիտեն, թե ում համար է նախատեսված եղել թմրանյութը։

Առնվազն իտալական կողմը թղթերով է տեղյակ պատվիրատուի անվանը։ Նախկինում, երբ Հայաստան թմրանյութ բերվում էր Իրանից, տարանցման ուղիները պարզ էին. թմրանյութը Աֆղանստանից բերվում էր Հայաստան, ապա ինչ-ինչ եղանակներով ուղարկվում Եվրոպա։ Այժմ ուղղությունը հակառակն է։ Թմրանյութի մի մասը Բաթումիով հասել է Հայաստան, մեծ մասն էլ պետք է գար այդ նույն ճանապարհով։

Ըստ ամենայնի, կոկաինը Հայաստանից ԵԱՏՄ չէր ուղևորվելու, քանի որ ընդհանուր սահման չկա, բացի այդ այլ, ավելի անվտանգ լոգիստիկ ուղիներ կան։ Չի բացառվում, որ թմրանյութը ՀՀ տարածքից ուղևորվեր Ադրբեջան կամ Թուրքիա, այդ վարկածները ամենահավանականն են թվում։ Եթե այս տվյալը հաստատվի, կնշանակի, որ իշխանության վերին օղակները այլ, ավեի զազրելի դավադրության մեջ են։

Դոնարա Բարսեղյան