Սուդանում բախումների զոհերի թիվը հասել է 863-ի

Սուդանում բանակի եւ արագ արձագանքման ուժերի միջեւ բախումների հետեւանքով զոհված խաղաղ քաղաքացիների թիվը հասել է 863-ի: Այս մասին երկուշաբթի հայտնել է Սուդանի բժիշկների արհմիությունը։

«Քաղաքացիական բնակչության շրջանում բախումների հետեւանքով զոհերի թիվը հասել է 863-ի, վիրավորների թիվը՝ 3531-ի»,-կազմակերպության հայտարարությունը մեջբերում է Asharq հեռուստաալիքը: Անցյալ շաբաթ բժիշկները հայտնել են, որ հակամարտության զոհ է դարձել 833 մարդ, վիրավորվել է 3329 խաղաղ բնակիչ:

ՄԱԿ-ի տվյալներով՝ մայիսի 14-ի դրությամբ բախումների հետեւանքով զոհվել է 676, վիրավորվել է ավելի քան 5575 քաղաքացիական անձ։

Ինչպես հաղորդում է Al-Hadath հեռուստաալիքը, առավոտյան Սուդանի ՌՕՈւ-ն օդից մի քանի հարված է հասցրել մայրաքաղաքի հատուկջոկատայինների բազաներին: Հեռուստաալիքի տվյալներով՝ Հարթումում  ռմբակոծությունը տեւել է առնվազն երկու ժամ։ Հաղորդվում է նաեւ Օմդուրման եւ Հյուսիսային Հարթում քաղաքների շրջանում պայթյունների ձայների մասին: