Բռնցքամարտի ԱԱ. Ռաֆայել Հովհաննիսյանը 3 նոկդաունով հաղթել է թուրք մրցակցին

Ուզբեկստանում ընթացող բռնցքամարտի աշխարհի առաջնությունում 86 կգ քաշային Ռաֆայել Հովհաննիսյանը տեխնիկական նոկաուտով հաղթել է թուրք մրցակցին ու դուրս եկել 1/4 եզրափակիչ։

«Մեր մարզիկի համար քիչ թե շատ բարդ ստացվեց միայն առաջին ռաունդը, որտեղ Հովհաննիսյանը հաղթեց 3։2 հաշվով։ 2-րդ ռաունդում հայ մարզիկը պարզապես քարուքանդ արեց թուրք մրցակցին։ Մի շարք ուժգին հարվածներ, 3 նոկդաուն, որից հետո մրցավարը դադարեցրեց մենամարտը։

1/4 եզրափակչում մեր մարզիկը կմրցի վրացի Գեորգի Կուշիտաշվիլիի հետ»,-տեղեկացնում է բռնցքամարտի ֆեդերացիան։