Զինվորական համազգեստն ապօրինի կրող անձինք պատասխանատվության կենթարկվեն

Պաշտպանության նախարարությունը վարչական պատասխանատվություն է նախատեսում զինվորական համազգեստը ապօրինի կրող անձանց համար։ Նախագիծը Ազգային ժողովի պաշտպանության և անվտանգության հարցերի մշտական հանձնաժողովի նիստի ժամանակ ներկայացրեց Պաշտպանության նախարարի տեղակալ Արման Սարգսյանը։

Փոխնախարարը նշեց, որ՝ նման խախտումների նկատմամբ վերահսկողությունը առաջարկվում է վերապահել ռազմական ոստիկանությանը։

Նշվում է, որ զինծառայողների համար սահմանված զինվորական համազգեստը զինվորական ծառայության մեջ չգտնվող և զինվորական համազգեստ կրելու իրավունք չունեցող անձի կողմից կրելը առաջացնում է տուգանքի նշանակում` սահմանված նվազագույն աշխատավարձի հարյուրապատիկի չափով:

Նախագծով ՊՆ-ն նախատեսում է նաև օրենքով արգելել ցույցերին զինվորական համազգեստով մասնակցությունը: