Հայաստանի վարչապետը չի մոռանում Թուրքիայի մասին անգամ Գերմանիայում
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ ՀՀ վարչապետ Նիկոլ Փաշինյանը պաշտոնական այցով գտնվել է Գերմանիայում։ Այնտեղ նա հանդիպել է կանցլեր Օլաֆ Շոլցին, մասնակցել է Գերմանիայի արտաքին հարաբերությունների խորհրդին, որտեղ եղել է «Անվտանգությունը և կայունությունը Հարավային Կովկասում. Հայաստանի հեռանկարները» թեմայով քննարկում:
Իր ելույթի ժամանակ վարչապետը նշել է, որ Հայաստանի կառավարությունը Թուրքիայի հետ հարաբերությունների կարգավորումը դիտարկում է որպես տարածաշրջանում խաղաղության հաստատման գործոններից մեկը։ Նա հույս է հայտնել, որ շուտով Երևանի և Անկարայի սահմանն ամբողջությամբ կբացվի։ Ի դեպ, այն փակվել է դեռ 90-ականներին։ Նրա խոսքով, այդ ուղղությամբ քայլեր, թեև փոքր են, բայց կան:
Քաղաքական գործիչը հիշեցրել է, որ 2022 թվականին Հայաստանն ու Թուրքիան որոշել են օդային բեռնափոխադրումներ հիմնել։ Ապաէլ նա նշել է, որ անցյալ տարի Պրահայում հանդիպում է կայացել Թուրքիայի նախագահ Ռեջեփ Թայիփ Էրդողանի հետ։ Նա նաև ճիշտ է համարել այն, որ Երևանը մարդասիրական օգնություն և փրկարարների խումբ է ուղարկել Թուրքիա։ Փաշինյանն ակնկալում է, որ դրանից հետո կարող են լինել քաղաքական արդյունքներ: Համենայն դեպս գոնե ինքը դրանից երջանիկ կլինի։
Նշենք, որ Հայաստանի ընդդիմությունը բազմիցս դատապարտել է իշխանությունների այդ քայլը։ Քաղաքական գործիչները վստահեցնում են, որ Թուրքիան չի փոխի իր դիրքորոշումը միայն այն պատճառով, որ Փաշինյանը մարդասիրական օգնություն է ուղարկել այնտեղ։ Սակայն Փաշինյանը, ըստ երեւույթին, ապրում է այլ աշխարհում և չի տեսնում այն ճշմարտությունը, որը փորձում են իրեն փոխանցել ընդդիմադիր քաղաքական գործիչները և հասարակության ճնշող մեծամասնությունը։
Նյութը հրապարակման պատրաստեց Կամո Խաչիկյանը
