Հայ փորձագետի մասնավոր կարծիքը. Ինչի՞ց է ամենաշատը վախենում Ադրբեջանը
ՔԱՂԱՔԱԿԱՆՈՒԹՅՈՒՆ
Tsargrad.tv–ն գրում է, որ փորձագետ Վարուժան Գեղամյանը եզրակացրել է, որ ադրբեջանական կողմը «ռեւանշիզմի» վտանգից խուսափելու համար է ձգտում վերացնել Հայաստանը:
Թուրքագետ Վարուժան Գեղամյանը մասնակցում է «Բեկում» երիտասարդական ֆորումին: Միջոցառման ընթացքում նա ուշադրություն է հրավիրել այն փաստի վրա, որ Ադրբեջանի պետական համակարգը լիովին ինտեգրված է Թուրքիային, և այդ իսկ պատճառով Ադրբեջանը փաստացի վերածվում է թուրքական նահանգներից մեկի։ «Դրա վառ վկայությունն այն է, թե ինչպես է ադրբեջանական բանակը վերածվում Թուրքիայի գլխավոր շտաբի, ինչը դրսևորվեց նաև 44-օրյա պատերազմի ժամանակ»,- նշել է փորձագետը։ Գեղամյանը հավելել է, որ Ադրբեջանում սկսել են ավելի ակտիվորեն տարածվել հակահայկական քարոզչությունը, և դա լավ տեղավորվում է Հայաստանին որպես պետություն վերացնելու Ադրբեջանի ռազմավարության մեջ: Նման նպատակը դրվել է «հայկական ռեւանշիզմի» պատճառով, որից ամենաշատն են վախենում Ադրբեջանում։ Ադրբեջանական կողմը, ըստ վերլուծաբանի, չի բացառում, որ հայերը կփորձեն վերականգնել վերահսկողությունը Լեռնային Ղարաբաղի նկատմամբ։ Վարուժան Գեղամյանը վստահեցրել է, որ իրականում Հայաստանն իսկապես նման ներուժ ունի:
Նյութը հրապարակման պատրաստեց Կամո Խաչիկյանը
