Զարուհի Փոստանջյանը քիչ առաջ հայտարարեց, որ լքում է «Ժառանգությունը»

«Ժառանգություն» կուսակցության անդամ Զարուհի Փոստանջյանը քիչ առաջ հայտարարություն է տարածել, որով հայտնում է «Ժառանգությունը» լքելու մասին: Փոստանջյանի հայտարարությունն ամբողջությամբ` ստորեւ.

Հարգելի «Ժառանգություն» կուսակցության անդամներ,

Ակնհայտ փաստ է «Ժառանգություն» կուսակցության սկզբունքային, գաղափարական և ծրագրային խզումը իր հռչակած և անցած քաղաքական ուղու հետ, ինչը հանգեցրել է հրաժարման կուսակցության կողմից ընդունված սկզբունքներից, գաղափարախոսությունից և ծրագրից:

Քաղաքական գործունեություն իրականացնելու համար վերը նշված փաստը դարձրել է անհամատեղելի իմ անդամակցությունը «Ժառանգություն» կուսակցությանը:

Հայտնում եմ ձեզ, որ դադարեցնում եմ իմ անդամակցությունը «Ժառանգություն» կուսակցությանը:

Միևնույն ժամանակ` բարձր եմ գնահատում շուրջ տասնամյա համատեղ աշխատանքը և միասին անցած ճանապարհը:

Հարգանոք`

Զարուհի Փոստանջյան 
20.02.2017թ.