ԱՄՆ-ն նոր պատժամիջոցներ է դիտարկում չինական ընկերությունների նկատմամբ. WSJ

ԱՄՆ-ն դիտարկում է նոր պատժամիջոցներ հսկողության համակարգեր արտադրող չինական ընկերությունների նկատմամբ՝ կապված Իրանի անվտանգության ուժերին վաճառքների հետ, հաղորդում է The Wall Street Journal թերթը՝ վկայակոչելով սեփական աղբյուրները։

Պարբերականը նշում է, որ ԱՄՆ իշխանություններն ակտիվորեն քննարկում են պատժամիջոցների հարցը եւ թիրախավորել են Tiande Technologies ընկերությանը, որը չինական Տյանցզին քաղաքից էլեկտրական սարքավորումներ արտադրող ընկերություն է, որի արտադրանքը վաճառվել է Իրանի Իսլամական հեղափոխության պահապանների կորպուսի ստորաբաժանումներին։