Գերմանիայի դեսպանը կանչվել է Թուրքիայի ԱԳՆ

Գերմանիայի դեսպանը կանչվել է Թուրքիայի ԱԳՆ՝ Ստամբուլում Գերմանիայի գլխավոր հյուպատոսության փակման պատճառով։ Այս մասին հայտնում է РИА Новости-ն՝ հղում անելով Գերմանիայի ԱԳՆ ներկայացուցիչ Անդրեա Սասեին։

«Ես կարող եմ հաստատել, որ մեր դեսպանը տարբեր երկրների այլ գործընկերների հետ կանչվել է Թուրքիայի արտաքին գործերի նախարարություն՝ զրույցի համար», - ասել է նա։

Նա հավելել է, որ հյուպատոսությունը փակվել է ահաբեկչական սպառնալիքի պատճառով, իսկ դիվանագիտական ​​ներկայացուցչությունները Թուրքիայի այլ քաղաքներում մնում են բաց։

Փետրվարի 3-ին Թուրքիայի ներքին գործերի նախարար Սուլեյման Սոյլուն «հոգեբանական պատերազմ» անվանեց Ստամբուլում մի շարք հյուպատոսարանների փակումը զբոսաշրջային սեզոնի մեկնարկից առաջ՝ հնարավոր ահաբեկչության մասին լուրերից հետո:

Թուրքիայի արտգործնախարար Մևլութ Չավուշօղլուն ասել է, որ «դժվար է դաշնակիցներ և բարեկամներ անվանել» այն արևմտյան երկրներին, որոնք փակել են իրենց հյուպատոսությունները Ստամբուլում։