Սպիտակ տունը հույս է հայտնել, որ Ուկրաինային զենքի մատակարարումը կօգնի վերադարձնել Ղրիմը

ԱՄՆ-ը հուսով է, որ Ուկրաինային զենքի մատակարարումը ոչ միայն կօգնի Կիևին պաշտպանվել, այլև թույլ կտա նրան գրավել կորցրած տարածքները, ներառյալ Ղրիմը, ասել է ԱՄՆ վարչակազմի բարձրաստիճան պաշտոնյան: Այս մասին հաղորդում է ՌԻԱ Նովոստին։

«Մենք ցանկանում ենք համոզվել, որ նրանք ունեն ճիշտ կարողություններ ոչ միայն Ռուսաստանի դեմ պաշտպանվելու, այլ նաև ինքնիշխան տարածքները վերադարձնելու կարողություն: Ղրիմը Ուկրաինա է», - ասել է նա ճեպազրույցում:

Միաժամանակ վարչակազմի պաշտոնյան հավելել է, որ ԱՄՆ-ն ուկրաինացիներին չի ասում, թե որտեղ պետք է հարվածել և որտեղ հարձակողական գործողություններ իրականացնել։