Իրանի ԱԳ նախարարը կմեկնի Թուրքիա

Իրանի արտաքին գործերի նախարար Հոսեյն Ամիր Աբդոլլահիանը երեքշաբթի կմեկնի Թուրքիա, որտեղ կքննարկի Սիրիայում տիրող իրավիճակը, ինչպես նաև Ռուսաստանի, Սիրիայի և Թուրքիայի պաշտպանության նախարարների վերջին բանակցությունները, հայտնում է ISNA-ն։

«Պլանավորված ծրագրի համաձայն՝ Իսլամական Հանրապետության արտաքին գործերի նախարարն իր թուրք գործընկերոջ (Մևլութ Չավուշօղլու) հրավերով երեքշաբթի օրը կմեկնի Թուրքիա»,- ասվում է հաղորդագրության մեջ։

Գործակալության տվյալներով՝ Իրանի արտգործնախարարը Թուրքիայում կհանդիպի մի շարք բարձրաստիճան պաշտոնյաների հետ՝ քննարկելու երկկողմ հարաբերությունները, վերջին իրադարձությունները և Սիրիայում տիրող իրավիճակը, ինչպես նաև Ռուսաստանի, Սիրիայի և Թուրքիայի պաշտպանության նախարարների վերջին բանակցությունները։ Նաև քննարկման հավանական թեմաներից մեկը կլինի Իրանի նախագահ Իբրահիմ Ռաիսիի՝ Թուրքիա մեկնելու ժամկետը։