ՀԱՊԿ չորս զորավարժություններից երեքը կանցկացվեն Բելառուսում
ՔԱՂԱՔԱԿԱՆՈՒԹՅՈՒՆ
2023 թվականին նախատեսված Հավաքական անվտանգության պայմանագրի կազմակերպության (ՀԱՊԿ) չորս զորավարժություններից երեքը կանցկացվեն Բելառուսում։ Այս մասին բելառուսական STV հեռուստաալիքին տված հարցազրույցում ասել է Բելառուսի Անվտանգության խորհրդի պետքարտուղարի առաջին տեղակալ Պավել Մուրավեյկոն, փոխանցում է ՏԱՍՍ-ը։
«Ռազմական գծով՝ կազմակերպության տարեկան անցկացվելիք չորս զորավարժություններից երեքը նախատեսվում է անցկացնել մեր երկրի տարածքում՝ արագ արձագանքման հավաքական ուժերի «Փոխազդեցություն», հետախուզական ստորաբաժանումների «Որոնում» և թիկունքային ուժերի «Էշելոն» զորավարժանքները»,- ասել է նա։
Բելառուսի ԱԽ պետքարտուղարի առաջին տեղակալը նշել է նաև, որ 2023 թվականին ՀԱՊԿ-ում Բելառուսի նախագահության ժամանակ երկրում տեղի կունենա Եվրասիական անվտանգության միջազգային համաժողով, ակնկալվում է արտգործնախարարների, պաշտպանության նախարարների, Անվտանգության խորհրդի քարտուղարների մակարդակով լայն երկխոսություն ՀԱՊԿ-Չինաստան թեմայով:
«Կազմակերպության տեղեկատվական և վերլուծական բաղադրիչի զարգացումը մեծ շրջադարձ է ունենալու, քանի որ այսօր ով տիրապետում է տեղեկությանը, նա է տիրապետում աշխարհին, ուստի շեշտը դրվել է դրա վրա, և դա նույնպես պատկանում է մեր նախագահության առաջնահերթություններից մեկին», - ասել է նա։
