Սերբիան և Կոսովոն զինված ուժերը բերել են բարձր պատրաստականության
ՄԻՋԱԶԳԱՅԻՆ
Սերբիայի նախագահ Ալեքսանդր Վուչիչը հրամայել է բանակը բերել լիարժեք մարտական պատրաստության։ Նման որոշում են կայացրել նաեւ Կոսովոյի իշխանությունները։
«Սերբիայի նախագահը, որպես գերագույն գլխավոր հրամանատար, այս գիշեր (դեկտեմբերի 26-ի խմբ.) կարգադրել է Սերբիայի զինված ուժերը բերել մարտական պատրաստության ամենաբարձր մակարդակի, այսինքն՝ զինված ուժի կիրառման մակարդակի պատրաստվածության»,- հաղորդում է «Дневник»-ը, որը մեջբերում է Սերբիայի պաշտպանության նախարար Միլոշ Վուչևիչի խոսքերը։
Վուչևիչը նշել է, որ այս որոշման պատճառը Կոսովոյի հյուսիսում սերբերի բարիկադների վրա հարձակման Կոսովոյի իշխանությունների ենթադրյալ նախապատրաստումն է։
Նշվում է, որ Կոսովոն, իր հերթին, նույնպես իր զինված ուժերը բերել է բարձր պատրաստականության:
