ՌԴ նախագահը Երևան է այցելում նախատեսվածից մեկ օր ուշ. Դեմա՞րշ ՀՀ դեմ

 Ռուսաստանի նախագահ Վլադիմիր Պուտինը այսօր ժամանում է Երևան մասնակցելու ՀԱՊԿ անդամ պետությունների ղեկավարների գագաթնաժողովին։

Ինչպես նշել ենք, այս այցը բավականին լուրջ քաղաքական հետևանքներ կարող է ունենալ Հայաստանի գործող իշխանությունների համար, որոնք արդեն իսկ սկսել են հակառուսական ակցիաներ բեմականացնել Պուտինի այցին ընդառաջ։

Նախապես հայտարարվել էր, թե ՌԴ նախագահը Հայաստան է ժամանելու նոյեմբերի 22-ին, սակայն փաստացի նա ՀՀ կժամանի մեկ օր ուշ։ Այս հանգամանքը, ինչպես նաև այն չմեկնաբանելը դիվանագիտական բավական հետաքրքիր նրբություն է։

Երբ որևէ երկիր ժամանող տերության ղեկավարը գիշերում է հյուրընկալող երկրում, դա համարվում է վերաբերմունք այդ երկրի, նրա ղեկավարության հանդեպ։ Իսկ այժմ, երբ Վլադիմիր Պուտինն ընդամենը մի քանի ժամով է գալիս Հայաստան՝ ՀԱՊԿ ղեկավարների գագաթնաժողովին մասնակցելու, և շուտ հեռանալու է, վկայում է հայ-ռուսական հարաբերություններում առկա խնդիրների մասին։

Իհարկե, այս դեմարշն ուղղված է ոչ միայն Նիկոլ Փաշինյանի դեմ, որին ՌԴ նախագահը թույլ ֆիգուր է համարում, ում կարելի է ծռել, կոտրել, պատժել։ ՌԴ նախագահի այս քայլը վկայում է, որ մեր պետության կշիռն էլ այլևս այն չէ, որպեսզի դիվանագիտական «սիլիբիլիներով» զբաղվեն ՀՀ հետ։

Հիշեցնենք, 2018թ. իշխանափոխությունից հետո քանիցս մեծ պետությունների ղեկավարներ են եկել հայաստան, որոնք ոչ միայն գիշերել են, այլևս առանձնահատուկ վերաբերմունք ցույց տվել։

Թերևս, վերաբերմունք ցուցադրելու պահերն անցյալում են, ու գործող իշխանությունների մեղքով։

Ի դեպ, եթե ՀԱՊԿ մյուս ղեկավարներին Երևան այցելելիս դիմավերոլու է փոխվարչապետ Մհեր Գրիգորյանը, Վլադիմիր Պուտինին դիմավորելու է անձամբ Նիկոլ Փաշինյանը։

Աննա Նադոյան