Ամերիկացի գիտնականները պարզել են, որ ամերիկյան խոշոր քաղաքները մինչեւ դարի վերջը ջրի տակ կանցնեն

Ամերիկացի գիտնականներն իրենց հետազոտությունների ընթացքում պարզել են, որ մինչեւ 2100 թվականը ամերիկյան խոշոր քաղաքները ջրի տակ կանցնեն։

Այս կանխատեսումը մասնագետները մաթեմատիկական մոդելի շնորհիվ են կարողացել կատարել։ Նրանք հաշվարկել են ծովի մակարդակի բարձրացման եւ սառցադաշտերի հալման արագությունը։ Գիտնականների կարծիքով՝ այսօր համաշխարհային օվկիանոսի մակարդակի բարձրացումը եւ սառցադաշտերի հալումը 20 անգամ ավելի արագ է, քան նախկինում կանխատեսել են այլ մասնագետներ։

Հետազոտողները հայտնել են, որ Նյու Յորքը, Նոր Օռլեանը եւ Մայամին գտնվում են «լիակատար ջրհեղեղի» վտանգի տակ: Եվ, ամենայն հավանականությամբ, դրանք ջրի տակ կանցնեն մինչեւ դարի վերջը։

Փորձագետների կարծիքով՝ այս քաղաքների մասին որպես հիշատակ միայն երկնաքերները կմնան։