Թուրքիան ծրագրում է Ուկրաինայի հարցով բանակցություններ կազմակերպել Ռուսաստանի և Արևմուտքի միջև. ԶԼՄ
ՔԱՂԱՔԱԿԱՆՈՒԹՅՈՒՆ
Թուրքիան ծրագրում է բանակցություններ կազմակերպել Ռուսաստանի և Արևմուտքի միջև Ուկրաինայում իրավիճակի շուրջ։ Այս մասին գրում է թուրքական Milliyet թերթի սյունակագիր Օզայ Շենդիրը։
«Այս պահին Թուրքիան ծրագրում է Ռուսաստանի հետ նույն սեղանի շուրջ նստեցնել արևմտյան չորս հիմնական երկրներին՝ ԱՄՆ-ին, Ֆրանսիային, Գերմանիային և Մեծ Բրիտանիային»,- ասել է Շանդիրը։
Նյութում պարզաբանվում է, որ համապատասխան առաջարկն արդեն «կարևոր և մասնավոր» դիվանագիտական խողովակներով փոխանցվել է Վաշինգտոնին։ Ինչպես նշում է հոդվածագիրը, ծրագրի վերաբերյալ առաջին մեկնաբանություններն ամերիկյան կողմից շատ դրական են եղել։
«Միակ հարցն այն է, թե արդյոք հնարավոր կլինի ռուսաստանցի զրուցակից գտնել նման երկխոսության համար»,- ասվում է Milliyet-ի հոդվածում։
